အင်းလေးချစ်သူများ ဆုံစည်းရာမှ နွေးထွေး ဖေါ်ရွေစွာ ကြိုဆိုပါ၏.....နည်းပညာ ဗဟုသုတများ ကိုလည်းပြန်လည်မျှဝေပေးနိုင်ပါက innlaychitthugroup@gmail.com ကို ဆက်သွယ်ပေးကြပါနော်...

Flashsong ၀ါသနာရှင်များ မိမိကြိုက်နှစ်သက်သော သီချင်းများကို တောင်းဆိုနိုင်ပါပြီ....

(ဒီဇင်္ဘာည လေးမှာ ) အင်းလေးချစ်သူ အွန်လိုင်းဆုံစည်းရာ ကို အလည်လာတဲ့ သူငယ်ချင်းတွေအတွက်.........နားဆင်ဖို့ပါ...။
ကာရာအိုဆိုရင်းသူငယ်ချင်းတွေကို ဗီဒီယို ချက်ကြမယ်။။ Live Karaoke Room
Showing posts with label ကဗျာများ. Show all posts
Showing posts with label ကဗျာများ. Show all posts

Saturday, November 24, 2012

ဟလို



                                                 သံစဉ်ချိုချို ကဗျာတစ်ပုဒ်ကို
ခပ်တိုးတိုး ရွတ်ဆိုလိုက်တဲ့အခါ
နားဝမှာ ၀ဲပျံ့နေသည့်အလား။

အမေတစ်ယောက်က သားလေးကို
`အိုအေးအေးအို´လို့  တေးဆိုပြီး
ချော့သိပ် လိုက်သည့်ပမာ
သာယာနာပျော်ဖွယ်ကောင်းလိုက်တာ။

မေတ္တာတွေပြည့်လျှံပြီး
ကရုဏာတွေ ပက်ဖြန်းထားသလို
ကြည်နူးဖွယ် တကယ်ကောင်းလှပါပေတယ်။

မောပန်းနေသူ တစ်ယောက်အတွက်
လိုအပ်တဲ့ အားအင်တွေကို
တစ်ခဏချင်း ဖြည့်သွင်းပေးလိုက်သလို
တကယ်ကို တန်ဘိုးမဖြတ်နိုင်ခဲ့ပါ။

အဲဒါ  -- -- -- -- -- -- -- --
ငါ  အားငယ်နေတဲ့အခါမှာ
ကြင်နာစွာ မျှဝေခံစားရင်း
ချစ်ခြင်းတွေနဲ့ အားပေးဖို့လာခဲ့တဲ့
ချစ်သူရဲ့ `` ဟလို ´´ ဆိုတဲ့အသံ။
read more "
ဟလို
"

Friday, November 16, 2012

သံယောဇဉ် ထိုကြိုး

 
သံယောဇဉ် အမျှင်တစ်ခုဆိုပေမဲ့
ရင်ခွင်တစ်ခုကို ကိုယ်စားပြုတာပါ။
မင်းနဲ့ကိုယ့်ရဲ့
သေသပ်လှပတဲ့ ချစ်ကမ္ဘာငယ်လေးကို
သူတစ်ခုတည်းနဲ့ တည်ဆောက်ထားတာလေ။
ကိုယ့်ရင်ထဲက ခံစားချက်တွေကို
ဒီသံယောဇဉ်ကြိုးတန်းလေးကဖန်တီးပေးသလို
မင်းရဲ့လိုအင်ဆန္ဒတွေကိုလဲ
သူ့ဆီကပဲ တဆင့်သိရတာပေါ့။
ချစ်သူရယ်
တစ်ခါတစ်ခါဆို
မင်းကို နာကြည်းဖူးတာတွေရှိခဲ့တယ်။
အဲဒီအခါမှာ
ဒီသံယောဇဉ်ရဲ့နှောင့်ဖွဲ့မှုတွေဟာ
ဒဏ်ရာတွေ မမြင်ရပေမဲ့
နာကြဉ်တဲ့ဝေဒနာတွေက
ခံစားရခက်လိုက်တာကွယ်။
ချစ်သူရယ်
ချစ်သူနဲ့ကိုယ်
အကြင်နာတွေပိုလို့ချစ်ကြမယ်နော်။
ရင်ထဲကဝေဒနာတွေအတွက်
သံယောဇဉ် ဆေးတစ်စက်တော့
ပက်ဖြန်းပေးပါလား။
တစ်သက်တာထာဝရ
ပြည့်ဝတဲ့ချစ်ခြင်းတွေနဲ့ပေါ့။
read more "
သံယောဇဉ် ထိုကြိုး
"

Tuesday, September 25, 2012

နင့် ကို ငါလေ...သိရဲ့လား

လိုချင်တောင့်တတဲ့ 
တဏှာအခင်းကျင်းတွေကြားမှာ
နင်ရယ်..ငါရယ်လေ..ဟိုးးအရင်ကပေါ့.

သမုဒယ ပင်လယ်ကြီးမှာ
ကမ်းမမြင် လမ်းမမြင် အချိန်ကာလတွေ
တစ်ခုပြီးတစ်ခု သစ္စာချစ်တွေနဲ့
မေတ္တာသက်ဝင်ရင်း....

အတ္တတွေများလိုက်ကြတာ....
ကိုယ်ပေါ်မှာ မြင်စရာမကောင်းအောင်
အလူးလူး ဆက်နွယ်နေကြတာ
အ၀ိဇ္ဇာ အမှန်မသိ
ကြာလာတော့..ညှိနိုင်းမရနိုင်တဲ့
အနတ္တ ပြဿနာ..သောင်းခြောက်ထောင်ကြား

နင့်နဲ့ငါ
ဟိုးးး အဝေးဆုံးကိုလျှောက်လှမ်းဖို့
မမြဲတဲ့ သင်္ခါရ သဘောလို
ငါဆုံးဖြတ်လိုက်ပြီ...

နင်..ငါ့အနားက 
ထွက်သွားပါတော့လို့.
ပြောမထွက်ခင်
နင့်နှုတ်ခမ်းကပြောလာတဲ့စကားကြောင့်..

ငါလေ..နင့်ကို သိရဲ့လား
အိပ်မက်ဆန်ဆန်ခဏတာ ၀င်ရောက်ခဲ့တဲ့
  မှော်ဆန်တဲ့စိတ္တဇ အမှောင်ညတွေကြား
ဖြတ်ခနဲ..ငါကို လန့်နိုးခွင့်ပြုခဲ့တဲ့
နင့်ကိုငါ
အရမ်း..အရမ်းကိုကျေးဇူးတင်တယ်ဟာ..

 



read more "နင့် ကို ငါလေ...သိရဲ့လား"

ငါနဲ့ ငါ့ကဗျာ


ရင်ဘတ်ထဲက ကဗျာတစ်ပုဒ်
လှပစွာ မွေးထုတ်နိုင်ဘို့အတွက်
ခံစားချက်တွေကို စောင့်ကြည့်နေရတယ်။
အဓိပ္ပါယ်မပါ
အချည်းနှီးကဗျာတွေလို
ဘောလ်ပင် တစ်လက်နဲ့
တွေ့ကရ စာရွက်တွေမှာ
ထင်ရာတွေ ရေးထားတာမဟုတ်ဘူး။
ကဗျာချစ်သူတွေ သိပါတယ်။
ရင်ထဲက ဝေဒနာကို  လိုသလိုစာဖွဲ့
ငါရေးတဲ့ ကဗျာတွေ အတွက်
ရင်ဘတ်နဲ့ဖန်တီးခဲ့တယ်ဆိုတာ
ကျေးဇူးပြု၍ လက်ခံပေးပါ။
တစ်ခါ တစ်လေမှာ
နာကျည်းစရာတွေ ဖြေဖျောက်ဖို့အတွက်
ကဗျာတွေဟာ သိပ်ကို အစွမ်းထက်ပါတယ်။
တစ်ခါ တစ်လေမှာ
ချစ်နေတာတွေ ဖော်ပြဖို့အတွက်
တကယ်အသက် ၀င်ခဲ့ပါတယ်။
- - - - - - - - - - - - - ။ 
တကယ်ပါ။
ငါ့နှလုံးသွေးတစ်စက်ကို
ဆေးစစ်ချက်ယူခဲ့ရင်တောင်
( ၉၉ ) ရာခိုင်နှုန်းဟာ
ငါသိပ်ချစ်တဲ့ ကဗျာတွေဘဲဖြစ်ပါလိမ့်မယ်။
read more "
ငါနဲ့ ငါ့ကဗျာ
"

Saturday, September 22, 2012

ချစ်သူ့ကဗျာ

ချစ်သူပေးတဲ့ကဗျာ
ခေါင်းစဉ်မပါ
စာကိုယ်မရှိ
ဒါပေမဲ့ -  -
နှလုံးသားသံစဉ်ရှိတယ်ဆိုတာ
ကိုယ်ယုံပါတယ်။
အမုန်းလက်နဲ့ရေးတာမဟုတ်
အပြုံးလေးတွေကို ဆေးရည်လုပ်ပြီး
နှလုံးသားစုတ်နဲ့ ချယ်သ
ဘယ်အလှမှ လာမယှဉ်နဲ့
ကမ္ဘာထိပ်တန်း
အချစ်နန်းတော်မှာဘဲ ပြသမယ်။
``ရောင်းရန်မဟုတ်´´
ဆိုတဲ့စာတမ်းတိုတိုလေးကို
ချိတ်ဆွဲလို့ပေါ့။
read more "
ချစ်သူ့ကဗျာ
"

***Facebook မှာ Like လုပ်ခြင်းဖြင့် အင်းလေးကို ချစ်သူများ ပျော်ရွှင်နိုင်ကြပါစေ***

သူငယ်ချင်းတို့ Gtalk မှာ innlaychitthugroup@im.partych.at ဆိုတဲ့ ပါတီချက်အကောင့်လေး အက်ပေးပါ။ ။